समाचार

फेरी डा केसी २० औ पटक अनसन बस्नु पर्ने अवस्था नआवस -हाम्रो नेपाल सुशासन अभियान

[mashshare]

हाम्रो नेपाल सुशासन अभियानले डा केसी संग सरकारको सहमति भएपनि बिगत झैँ कार्यन्वयन नगर्ने भन्दै बिज्ञप्ति निकालेको छ।

हाम्रो नेपाल सुशासन अभियानले निकालेको विज्ञप्ति जस्ताको त्यस्तै-

हाम्रो नेपाल सुशासन अभियानको विज्ञप्ति
सन्दर्भः डा केसिको अनसन, सहमती र सरकारको नियत
देशको दुर्गम तथा दुरदराजमा गरिवहरुलाई समेत स्वास्थ्य सुविधा पुर्याऊन , भरोशायुक्त सर्वसुलभ स्वास्थ्य सुविधाको प्रत्याभुति गर्न र गरिवका छोरा छोरीहरुले समेत मेडिकल शिक्षा अध्ययन गर्ने अवसर जुटाऊने र स्वास्थ्य सुविधालाई मेडिकल माफियाको चंगुलबाट छुटकारा दिलाऊने अभीप्रायले समस्त स्वास्थ्य क्षेत्र कै सुधारका लागि लडिरहेका डा गोविन्द केसि पुनः यो १९ औ पटक २७ दिन अनसनरत रहे र डा केसि तथा नेपाल सरकारको विच ८ वुंदे सहमती भै अनसन तोडे डा केसि ले । यीनै मागहरुको सेरोफेरोमा र कतिपटक त देशमा व्याप्त भ्रष्टचार , विकृती र वेईमानीका अन्य अतिरिक्त विषयलाई समेत समेटदै उनी अनसन वसे । वर्तमान दुई तिहाईका शक्तिशाली प्रधानमन्त्रि मात्र होईन २०६९ असारमा पहिलो सत्याग्रह शुरु गरे यताका सबै प्रधानमन्त्रिहरुका पालामा यी दृढ डाक्टर अनसनमा वसे , प्रायः हरेक पटक सहमती भयो , तर विडम्बना कार्यान्वयन भएन । एक्लो डा केसी को दृढता , अठोट र राष्ट्रप्रेममा सरकार झुक्ने र फेरी झुक्याऊने प्रवृत्ति कायमै रह्यो । कसैले भन्न सक्त्तैन डा केसी का माग गलत छन भनेर , तर सहमतीको अवज्ञा हुन्छ सरकार बाटै । यो कस्तो विडम्वना हो ? संसारमा यस्तो भएको होला कहि कतै ? के यो राष्ट्र कै लज्जाको विषय होईन ? नारामा समाजवाद , जनपंक्ष र जनताका कुरा गर्छन , तर व्यवहारमा भ्रष्ट आचरण , माफिया र विचौलीया तथा स्वार्थी जमातको पृष्ठपोषण गर्छन भने के यो जनताको सरकार हो ? कि त डा केसी गलत छन भन्नु पर्यो , होईन भने पार्टी , सरकार र तीनका नेतृत्वकर्ताहरुको मुल्याकंन गरी जनताका पक्षमा जागरण आऊनु पर्यो अब । यो सबैको कर्तव्य र दायीत्वको विषय हो ।
अहिले भएको ८ वुंदे सहमती जनचासो , दवाब , खबरदारीको कारण भएको हो , सरकार दवाबमा परेरै हो । तथापी यो सकरात्मक पक्ष छ ; तर नेपाली जनताको जीत भैसकेको र डा केसीका माग पुरा भएको अवस्था छैन । कसैका स्वार्थ पुर्ति तथा तुष्टी र पुष्टीका लागि बजेट विनियोजन भएका छन , दुरुपयोग भएका छन तर डा केसी ले राखेका नेपाली जनता केन्द्रित माग पुरा गर्ने सरकारको योजना र वजेट नहुने ? कस्तो देश भयो नेपाल ? डा केसी र नेपाली जनतालाई हरेक पटक झुक्याईएको छ , ठगिएको छ , वेईमानी भएको छ र त्यसको अब फेरी पुनरावृती नहोला भन्न सकिन्न । त्यसैले अब नेपाली जनताले डा केसी का माग प्रति गंभीर हुनु पर्ने र सरकारको चाल , रवैया तथा कार्यान्वयन पक्षलाई नियालेर खबरदारी गर्नु पर्ने दायीत्व छ । डा केसी लाई एक्लो छोडनु हुन्न । फेरी डा केसी २० औ पटक अनसन बस्नु पर्ने अवस्था नआवस र त्यो परिस्थिति फेरि सृजना गरिन्छ भने सम्पुर्ण नेपाली जनताले त्यस बेला दृढ्तापुर्वक कठोर कदम चाल्नु पर्ने हुन्छ । यसर्थ , सरकार गंभीर बनोस , सहमती समयमा नै कार्यान्वयन होस , आलटाल नहोस । हामी यही विषयमा यो विज्ञप्ति मार्फत अभियानको धारणा , सचेतना र खवरदारी लाई पुनः दोहोराऊन चाहन्छौ । यसमा सवैको साझा चासो – सरोकार र खवरदारी दृढ वनोस ।
हो ।

News

We mainly focus on quality code and elegant design with incredible support. Our WordPress themes and plugins empower you to create an elegant, professional and easy to maintain website in no time at all.

Related Articles

Leave a Reply

Your email address will not be published. Required fields are marked *

Check Also

Close
Back to top button
Close