संबिधान भावनाविपरीत गतिविधि गर्न नेकपा नेतृत्वको सरकारबाट भइरहेको आरोप-सभापति देउवा

पूर्व प्रधानमन्त्री तथा नेपालि काँग्रेस सभापति शेरबहादुर देउवाले लोकतान्त्रिक संविधानअनुरूपको लोकतान्त्रिक व्यवहारमा इमानदार बन्न सरकारलाई आग्रह गरेका छन् ।संविधान दिवसका अवसरमा सभापति देउवाले दिएको शुभकामना सन्देशमा संविधानको सफलताका लागि सबैको अपनत्व गाँस्दै लग्न जरुरी भएको बताएका छन् ।उनले शुभकामना सन्देशमा लेखेका छन , ‘‘संविधानको सफलताका लागि एकातर्फ यसप्रति सबैको अपनत्व गाँस्दै लाग्न जरुरी हुन्छ भने अर्कातर्फ संविधानको अक्षर र भावनाअनुरूपको व्यवहार जरुरी हुन्छ । नेपाली कांग्रेसका तत्कालीन सभापति एवं प्रधानमन्त्रीहरू क्रमशः गिरिजाप्रसाद कोइराला र सुशील कोइरालाको नेतृत्वमा देशमा क्रमशः शान्ति स्थापना र संविधान निर्माण भएको अनि तीन तहको निर्वाचन गराएर मेरो नेतृत्वमा रहेको सरकारले संविधान कार्यान्वयन गरेको सर्वविदित नै छ।’

तर, त्यसपछिका दिनमा संविधानको सफलताका लागि बाँकी कार्यभार पूरा गर्नेभन्दा संविधानको भावनाविपरीतका गतिविधि नेकपा नेतृत्वको सरकारबाट भइरहेको आरोप समेत देउवा ले लगायका छन् ।आफूले यसलाई गम्भीरतापूर्वक लिएको देउवा ले बताएका छन् । संविधानको संरक्षण र संघीय लोकतान्त्रिक गणतन्त्रात्मक शासन व्यवस्थाको संस्थागत स्थायित्व कायम गर्दै मुलुकलाई आर्थिक समृद्धिको मार्गमा अग्रसर गराउन संविधान दिवसले प्रेरणा प्रदान गर्ने देउवाले विश्वास व्यक्त गरेका छन ।