Uncategorized

दक्षिण एसियाका ५ मुलुक सहित हालसम्म विश्व भर ५७ मुलुकमा ओमिक्रोन

[mashshare]

मंसिर २३ , काठमाडौं । पाकिस्तानमा पनि नयाँ कोभिड भेरियन्टका संक्रमित फेला परेका छन् । यो सहित दक्षिण एसियाका पाँच मुलुकमा ओमिक्रोन भेरियन्ट देखिएको छ ।

बिहीबार कराचीकी एक महिलामा ओमिक्रोन भेरियन्ट संक्रमण पुष्टि भएको पाकिस्तानका अधिकारीले बताएका हुन् । संक्रमित महिला स्थानीय भएको र विदेश यात्रा गरेको नदेखिएको पनि अधिकारीहरूले बताएका छन् ।

खोप नलगाएकी ६५ वर्षीया महिलामा ओमिक्रोन संक्रमण देखिएको हो ।संक्रमण देखिएपछि ती महिला अस्पताल भर्ना भएको र हाल डिस्चार्ज गरिएकी उनी घरमै आइसोलेशनमा बसेकी छन् ।

पछिल्लो पटक पाकिस्तानमा ओमिक्रोन फेला परेपछि हालसम्म दक्षिण एसियाका पाँच मुलुकमा यो भेरियन्ट फैलिएको छ ।

संक्रमितमध्ये सबैभन्दा धेरै भारतमा छन् । त्यहाँ ओमिक्रोनबाट २० जनाभन्दा बढी मानिस संक्रमित भइसकेका छन् । श्रीलंका र माल्दिभ्समा समेत यो भेरियन्ट फैलिइसकेको छ ।

नेपालमा समेत ओमिक्रोनका संक्रमित पुष्टि भइसकेका छन् । दक्षिण अफ्रिकाबाट मंसिर ३ गते नेपाल प्रवेश गरेका ६६ वर्षीय विदेशी र उनको सम्पर्कमा आएका ७१ वर्षीय नेपाली नागरिकमा सोमबार संक्रमण भेटिएको हो ।

डब्ल्यूएचओले ‘ओमिक्रोन’ भेरियन्ट फैलिने क्रम जारी रहेको र अस्पतालमा भर्ना हुने मानिसको संख्या बढ्न सक्ने समेत जनाएको छ । डब्ल्यूएचओले डेल्टा भेरियन्ट जत्तिकै वा सोभन्दा कम गम्भीर हुने देखिएपनि संक्रमितहरु अस्पताल भर्ना हुनेको संख्या बढ्ने अपेक्षा गरेको छ ।

त्यस्तै, केही समय अगाडि मात्रै डब्ल्यूएचओ र अमेरिकाका शीर्ष वैज्ञानिकहरूले ‘ओमिक्रोन’ अन्य भाइरस संस्करणहरु भन्दा खराब नभएको जानकारी दिइसकेका छन् । साथै ओमिक्रोन भेरियन्ट गम्भीरतालाई न्याय गर्न थप अनुसन्धान आवश्यकता रहेको बैज्ञानिकहरुले बताएका छन् ।

विश्व स्वास्थ्य संगठनका अनुसार हालसम्म ५७ मुलुकमा ओमिक्रोन फैलिएको छ ।

खबर साभार : अनलाइन न्युज

News

We mainly focus on quality code and elegant design with incredible support. Our WordPress themes and plugins empower you to create an elegant, professional and easy to maintain website in no time at all.

Related Articles

Leave a Reply

Your email address will not be published. Required fields are marked *

Back to top button
Close