समाचार

हिजोदेखि लगातार परेको बर्षाका कारण उर्लाबारी नगरका अधिकांश भूभाग डुवान

[mashshare]

विवेक पाण्डे

उर्लाबारी, ५ साउन । हिजोदेखि लगातार परेको बर्षाका कारण उर्लाबारी नगरका अधिकांश भूभाग डुवानसँगै स्थानिय नदीहरुले जमिन समेत कटान गरेको छ । नगरपालिकाका निमित्त प्रमुख प्रशासकिय अधिकृत मुरारी प्रसाद घिमिरेले नगरका ९ वटै वडामा बर्षाका डुवानमा परेका र बक्राहा, तेली, सोल्टी, मावा लगायतका खोलाहरुले खेतीयोग्य जमिन कटान भएको बताउनुभएको छ भने वडा नं.–६ को उर्लाबारी बजार क्षेत्रका पसलहरु समेत डुवानमा परेकोले जोखीम कम गर्ने विकल्पका बिषयमा खोजी भईरहेको समेत उहाँले बताउनुभयो ।

बर्षाले वडा नं.– २ को केर्खाली चौकमा कल्भर्टमा क्षति पुर्याउँदा आवात जावतमा समस्या आएको छ भने वडा नं.–३ को रामनगरमा तेली खोलाले डुवान र कटान गरी क्षति पुर्याएको छ । यसैगरी बक्राहा खोलाले वडा नं.–५ को भुम्रा क्षेत्रमा दुई विगाहा भन्दा बढी जमिन कटान गरेको छ भने वडा नं.– ६ को सिमाना बस्तीमा मावा खोलाले क्षति पुर्याएको छ । यसैगरी वडा नं.–६ को बजार क्षेत्रमा ड्रेनबाट पानी सहज किसीमबाट नजाँदा मुख्य बजार क्षेत्रका एक दर्जन बढी पसलहरु डुवानका कारण प्रभावित भएका छन ।

यसैरीनै नगरका अन्य वडाहरुमा पानी डुवान र कटानका कारण क्षति पुगेको स्थानिय जनप्रतिनिधीले बताएका छन । यसैबीच नगर प्रमुख खड्ग फागोले जल तथा मौसम बिज्ञानले केही दिन भारी बर्षा हुने भनेको हुुँदा नगरबासीमा सुरक्षित भएर बस्न र विपत्ती भएमा खवर गर्न हुन आग्रह गर्दै नगरमा भएको स्रोत साधनको उपयोग गरी रोकथाम सहितका कार्य संम्पादनमा कमी आउन नदिने प्रतिवद्धता जनाउनुभएको छ ।

News

We mainly focus on quality code and elegant design with incredible support. Our WordPress themes and plugins empower you to create an elegant, professional and easy to maintain website in no time at all.

Related Articles

Leave a Reply

Your email address will not be published. Required fields are marked *

Back to top button
Close