५ असार २०७९, आइतवार
काठमाडौंबाट धनगढीका लागि हिंडेको ना ६ ख ७४६३ नम्बरको बसका सहचालक गए राति चितवन नारायणगढ-मुग्लिन सडक खण्डमा चिप्लिएर खोलामा बेपत्ता भएका छन् ।
कैलाली गोदावरीका ३५ वर्षीय सहचालक तेजबहादुर बोहरा राति दुई बजे बसबाट झरेर खाजाका लागि चाउचाउ किन्न गएका बेला सो घटना भएको चितवन प्रहरीले जनाएको छ ।
खहरे खोलामा खसेका बोहराको चप्पल केही तल फेला परेको चितवन जिल्ला प्रहरी कार्यालयका प्रवक्ता डीएसपी नरहरि अधिकारीले जानकारी दिए । बोहराको खोजीका लागि चितवन कुरिनटारमा रहेको सशस्त्र प्रहरीको विपद् व्यवस्थापन तालिम शिक्षालयका उद्धारकहरू पनि परिचालन भएका अधिकारीले बताएका छन् ।
