आजको मौसम

जल तथा मौसम पूर्वानुमान महाशाखाले आज (बिहिबार)को मौसम पूर्वानुमान जारी गरेको छ। देशका केही क्षेत्रको मौसम आंशिकदेखि सामान्य बदली भए पनि अरु क्षेत्रमा भने सामान्यतया सफा रहने महाशाखाले जनाएको छ ।बंगालको खाडीमा बनेर भारतको तेलांगनामाथि रहेको शक्तिशाली निम्न चापीय क्षेत्र कमजोर भई पश्चिम–उत्तरपश्चिम दिशामा अरब सागर तिर सर्ने क्रममा रहेको महाशाखाले बताएको छ।

हाल बागमती प्रदेश र गण्डकी प्रदेश , प्रदेश न १, र प्रदेश न २,मा आंशिक बदली रही बाँकी भू–भागमा मौसम सामान्यतया सफा रहेको छ ।

आज (बिहीबार) दिउँसो बागमती प्रदेश, गण्डकी प्रदेश र प्रदेश न १ का पहाडी भू–भागमा आंशिकदेखि सामान्य बदली हुने, देशका अन्य भू–भागमा मौसम सामान्यतया सफा रहने र प्रदेश १ , बागमती प्रदेश र गण्डकी प्रदेशका एक–दुई स्थानमा हल्का वर्षाको सम्भावना रहेको महाशाखाले बताएको छ।

राति बागमती प्रदेश , गण्डकी प्रदेश , प्रदेश न १, र लुम्बिनी प्रदेशका केही भू–भागमा आंशिक बदली तथा देशका अन्य भू–भागमा मौसम सामान्यतया सफा रहने र प्रदेश १ का एक–दुई स्थानमा हल्का वर्षाको सम्भावना रहेको समेत महाशाखाले जानकारी गराएको छ।