काठमाण्डौ – गौरीशंकर च्छोरोल्पा मिडियाले आफ्नो स्थापनाको तेस्रो वर्षगाँठ भव्य रुपमा मनाएको छ । राजधानी काठमाण्डौको मित्रपार्क स्थित एक होटेलमा चैत्र ३० गते बिहिबार एक कार्यक्रमको आयोजना गरी आफ्नो स्थापना दिवस मनाएको हो उक्त अवसरमा गीतकार जानकी बज्राचार्यद्धारा रचित तथा गायक रेजिना परियारद्वारा स्वरबद्ध ‘तिम्रो माया यो मुटुको सुल भयो ’ नामक गीति एल्बमको बिमोचन गरिएको छ ।
समाजसेवी एवं गीतकार जानकी बज्राचार्यको सभापतित्वमा सम्पन्न भएको कार्यक्रममा विशिष्ठ कलाकार मदनदास श्रेष्ठलाई अभिनन्दन गरिएको थियो भने बरिष्ठ पत्रकार एवं गीतकार शान्तिप्रिय संचारकर्मी एवं फोटोपत्रकार जानेन्द्र कार्की, संगीतकार पुरुषोत्तम न्यौपाने समाजसेवी लिला खनाल लगायतका व्यक्तित्वहरु सम्मानित भएका थिए ।
कवी एवं गीतकार अमर वान्तुको प्रमुख आतिथ्यतामा सम्पन्न भएको उक्त कार्यक्रममा वरिष्ठ समाजसेवी शोभित उप्रेती, पुर्व प्रशासक देबेन्द्र सिटौला,तामाकोसी गाउँपालिकाको अध्यक्ष प्रोण प्रताप केसी,दोलखा को नेता बद्री चौलागाईराप्रपा को केन्द्रिय सदस्य रंजन कार्की चलचित्र निर्देशक माधव राज खरेल,संचारकर्मी कमला जोशी, गायक विजेन्द्र नौवागे, हाँस्य कलाकार गणेश इसारा, समाजसेवी लक्ष्मी बस्नेत, विन्दु पन्त अनिता चौलागाई, मीना बस्नेत लगायतका विभिन्न बरिष्ठ व्यक्तित्वहरुको सहभागीता रहेको थियो ।
