काठमाडौं- चर्चित तथा अहिलेका व्यस्त चलचित्र निर्देशक माधव राज खरेलको निर्देशनमा तयार पारिएको गायक कन्हैया सिंह परियारको सुमधुर आवाजमा सजिएको ‘भन्दै होलान’ गीतको म्युजिक भिडियो सार्वजनिक भएको छ । लामो समयदेखि नेपाली गीत संगीत क्षेत्रमा सक्रिय रुपमा लागिरहेका सिंहले यस अघि पनि सयौं गीतहरुमा आफ्नो स्वर दिइसकेका छन् ।
केही समयदेखि अमेरिका बसोबास गर्दै आएका सिंहले प्रवासमा रहेर पनि नेपाली गीत संगीत क्षेत्रमा आफ्नो योगदानलाई निरन्तरता दिईरहेका छन् । प्रदेशमा रहँदा गाँउघरकै सम्झनाले सताउने र झझल्को आउने, प्रदेशीएपछी गाँउ विर्सिने जस्ता कुराहरुलाई मर्मस्पर्शी रुपमा रचना गरिएको गीतका गीतकार, सञ्चारकर्मी एवम गीतकार सुमन वैरागी हुन भने संगीत भने अहिलेका व्यस्त तथा चर्चित संगीतकार सन्तोष श्रेष्ठले भरेका छन ।
भिडियोमा अभिनेता श्रीदेव भट्टराई, नायिका कञ्चन चालिसे, कलाकार उद्धव प्रसाद भट्टराई, नम्रता खरेल पौडेल, राजु कार्की, कुमार स्याङवो लगायतका कलाकारहरुको जीवन्त अभिनय देख्न सकिन्छ । भिडियोमा जीवन पराजुलीको छाँयाकन, राजेश कुमारको सम्पादन र नरेश खरेलको श्रृंगार रहेको छ ।
निर्देशक खरेलको जन्मदिनको अवसर पारेर सार्वजानिक गरिएको उक्त म्यूजिक भिडियोलाई काठमाण्डौ र ललितपुरका विभिन्न स्थानहरुमा छायाँकन गरिएको हो । भिडियोलाई गायक कन्हैया सिहं परियारको अफिसियल युटुव च्यानल मार्फत सार्वजनिक गरिएको छ ।
