२४ वैशाख, काठमाडौं।भक्तपुरका चारमध्ये तीनवटा नगरपालिका सूर्यविनायक, मध्यपुर थिमि र चाँगुनारायणमा एमालेको जित सुनिश्चित रहेको कुरा एमालेका केन्द्रिय सदस्य तथा भक्तपुरका सह इन्चार्ज गोविन्दप्रसाद दुलालले बताएका छन् ।
सुर्यविनायक नगरपालिका वाड नं १ को घरदैलो कार्यक्रम छायांकन गर्न पुगेका कान्तिपुर टेलिभिजनका संवाददाता हरुसँग कुरा गर्दै दुलालले यसअघि पनि एमालेले जितेका तीन वटै नगरपालिकामा थप वडा हरु समेत एमालेले जित्ने दावी गरे ।
उनले भने “गठबन्धनसँग कुनै नीतिगत विचार विकासको योजना र कुशल नेतृत्व छैन, हामीहरूसँग भएका उमेद्वारहरु मदनसुन्दर क्षेष्ठ,उत्तरा नेपाल, वासुदेव थापा, सुमित्रा भट्टराई, बिना वास्तोला, रमेश बुढाथोकि लोकप्रिय छन् । ´´ मतदानको मिति नजिकिँदै गर्दा भक्तपुरमा राजनीतिक सहकर्मी ह्वात्तै बढेको छ।पार्टीहरुले घरदैलो कार्यक्रम बढाएका छन् ।
नगरसभा वडा सभाहरू धमाधम भइरहेका छन् । भक्तपुर भूगोलको हिसाबले सानो जिल्ला भए पनि कला संस्कृति र सभ्यताका हिसाबले धनी र पर्यटकीय हिसाबले चर्चित जिल्ला हो ।
