मंसिर,१२ काठमाडौं । बाँकेको नेपालगञ्जबाट जाजरकोटका लागि छुटेकाे ना ६ ख २७५७ नम्बरको बस जाजरकोटमा दुर्घटना हुँदा पाँच जनाको मृत्यु भएको छ । जिल्ला प्रहरी कार्यलय जाजरकोटका अनुसार जाजरकोटको भेरी नगरपालिका–१३ बराहचौरमा आइतबार बिहान २ बजे बस दुर्घटनामा परेको प्रहरीले बताएको छ ।
दुर्घटनामा २५ जना घाइते भएका छन् मृत्य हुनेमा दुई जना महिला, दुई जना पुरुष र एक जना बालिका रहेको जिल्ला प्रहरी कार्यालय जाजरकोटले जानकारी दिएको छ । मृतकको सनाखत हुन बाँकी रहेको र घाइतेहरूको उद्दार कार्य अझै जारी रहेको उद्दारमा खटिएका एक प्रहरीले बताए ।
बस सदरमुकाम पुग्न करिब १० किलोमिटर बाँकी रहँदा परकाे सडकमा दुर्घटनामा परेको हो । मृत्यु हुने यात्रुहरुको पहिचान हुन भने सकेको छैन।बसमा जम्मा ३२ यात्रु रहेको खुलेको छ । दुर्घटनामा परेर २७ जना घाइते भएका प्रहरीले जनाएको छ ।
