असार,१९ काठमाडौं । धादिङको बेनीघाट १० जवाङ खोलामा पहिरोले ५ पाँच वटा सवारी साधन पुरिँदा दुई जनाको मृत्यु ६ जना घाइते भएका छन् ।पृथ्वी राजमार्गअन्तर्गत धादिङको बेनीघाट रोराङ गाउँपालिका वडा नम्बर १० गएको पहिरोले ना ८ ख ४५४० नम्बरको ट्रकमा रहेका चितवनको अन्दाजी १८ वर्षीय बिरबल प्रजा र ना ७ ख ३२० नम्बरको कन्टेनरमा सवार भारतकी ४३ वर्षीया सोनी देवीको मृत्यु भएको हो ।
प्रजा सोही ट्रकमा मृत फेला परेका हुन् भने सोनीको आज बिहान उपचारको क्रममा गण्डकी अस्पताल पोखरामा मृत्यु भएको जिल्ला प्रहरी कार्यालय धादिङले जानकारी दिएको छ ।
अनलाइन खबर सग कुरा गर्दै उहाले पहिरोमा बा १२ च ७१५६ नम्बरको म्याजिक भ्यान, ना ७ ख ३२० नम्बरको कन्टेनर, बा १ ग २८३१ नम्बरको ट्रक, ना ८ ख ४५४० नम्बरको ट्रक र पीएन २८ एए ०१२० नम्बरको ट्रक पुरिएको समेत बताएको छ ।
घटनास्थलमा उद्धारको लागि स्थानीय सरकार र सडक विभागको टोली प्रहरी पनि खोज तथा उद्धारमा खटिएको प्रहरीले जनाएको छ ।
