असार१८ काठमाण्डाै – बाढी र पहिरोका कारण देशभरका १४ सडक खण्ड बन्द भएको छ। सडक विभागले दिएको जनकारी अनुसार ४९ सडक एकतर्फी मात्र सञ्चालन भइरहेको बताएको छ । नारायणघाट-मुग्लिङ सडक खण्ड अहिले पूर्ण रुपमा बन्द भएको छ । चारकिलो र पाँचकिलोमा पहिरो बढीको कारणले बिहानैदेखि सडकमा सवारी बन्द भएको प्रहरीले जनकरी दिएको छ ।
पहिरो हटाउने काम भइरहेको छ । निरन्तर सडकमाथिबाट ढुङ्गा पहिरो खसिरहेकाले जोखिम झनै बढेको भन्दै प्रहरीले अत्यावश्यक काम नपरि यात्रा नगर्न समेत आग्रह गरेको छ ।उता मकवानपुरको भीमफेदीबाट-कुलेखानी हुँदै काठमाण्डौ आउने सडक पनि बन्दनै छ ।बन्द रहेको सडक खण्ड ठोरी–घयाम्पेसा र आरुघाट– भरतपुर–मुग्लिङ आबुखैरेनी––रोइला भञ्ज्याङ गोरखा–सिर्दिवास सडक खण्ड पनि अझै खुलेको छैन ।उता मनाङको डुम्रे बेसीसहर-चामे सडक खण्ड पनि ठाउँ-ठाउँमा पहिरो र बढीको कारण बन्द रहेको छ ।
नोक्सानी पुगेको सडक खण्ड खुल्न समय लाग्ने सडक विभागले जनाएको छ । अरनिको राजमार्ग अन्तर्गत पर्ने खाडीचौर-कोदारी सडक खण्ड पनि अझै सञ्चालनमा आउन सकेको छैन । गएको असार २ गते बन्द भएको यो सडक खण्ड खुलाउने प्रयास भने भइरहेको प्रहरीले च्छोरोल्पा अनलाइन खबरलाई बताउनु भएको छ ।
