१६ असार २०७८,तनहुँमा गएरातिदेखि परेको वर्षाका कारण पहिरो जाँदा पृथ्वी राजमार्गअन्तर्गत तनहुँको म्याग्देस्थित थर्पुमा राजमार्ग अवरुद्ध भएको छ ।
पहिरोका कारणले आज बिहानदेखि राजमार्ग अवरुद्ध भएको हो।लेदो माटोका कारण १२ चक्के ठूलो गाडी फसेपछि राजमार्ग अवरुद्ध भएको थर्पुका प्रहरी नायब निरीक्षक कृष्णबहादुर बानियाँलेअनलाइन खबरलाई जानकारी दिनु भयो।
उहाले भने, ‘पहिरो झरे पनि साना सवारी सञ्चालन भइरहेका थिए, १२ चक्के गाडीले जबरजस्ती हालिदिएपछि लेदो माटोका कारण सवारी फस्यो अहिले आवतजावत रोकियो ।’
त्यसलाई हटाएर राजमार्ग सञ्चालन गराउने प्रयास भइरहेको उनले बताए । अहिले एक्जाभेटर ल्याएर सडक खुलाउने प्रयास भइरहेको छ ।
