जेठ, २९ काठमाडौं -ज्ञानेन्द्र शाहीको समूहमाथि सुर्खेतमा आक्रमण भएको छ । जिल्लाको वीरेन्द्रनगर नगरपालिका–१३ करेखोला भन्ने स्थानमा गएराति ११ बजे आक्रमण भएको हो ।सुर्खेत जिल्ला प्रहरी कार्यालयले शाहीमाथी आक्रमणमा संलग्न पाँच जनालाई नियन्त्रणमा लिए सकेको छ ।
उता सुर्खेतका प्रहरी प्रमुख राजेन्द्र भट्टले शाहीको समूह र स्थानीयबीच झडप भएको बताउनु भएको छ । यता ज्ञानेन्द्र शाही समूह आक्रमण भएको बताएपनि एसपी भट्टले भने, ‘यो आक्रमण हैन दुई समूहबीच झडप भएको हो । प्रहरीको टोलीले घटनास्थलमा पुगेर उद्धार गरेको छ ।’ उनले आक्रमणबाट घाइते भएकाहरुको अवस्था सामान्य रहेको च्छोरोल्पा खबरलाई बताउनु भयो ।
ज्ञानेन्द्र शाहीले सामाजिक सन्जालमा पोष्ट भएको भिडियोमा रुँदै घाइते एक युवकलाई अँगालो हालेको देखिन्छ । टाउकोको पछाडिको भागबाट रगत बगिरहेको देखिने ती युवकको प्राथमिक उपचार समेत गरेको पनि देखिन्छ ।
