चितवनको भरतपुरस्थित चितवन मेडिकल कलेजमा उपचाररत एकजना कोरोना संक्रमितको मृत्यु भएको छ ।
अस्पतालका अनुसार भरतपुर महानगरपालिका–१० का ७८ वर्षीय पुरुषको उपचारका क्रममा सोमबार राति ८ः४० बजे मृत्यु भएको हो ।
असोज २२ गते कोरोना संक्रमण पुष्टि भएका उनलाई श्वासप्रश्वासमा समस्या भएपछि असोज २४ गते अस्पतालमा भर्ना गरिएको र आईसीयूमा राखेर उनको उपचार गरिए पनि बचाउन नसकिएको अस्पताल ले जानकारी दिएको छ । अस्पतालका अनुसार उनी प्रोस्टेट क्यान्सरबाट पनि पीडित थिए ।
