काठमाडौ महिला, बालबालिका तथा ज्येष्ठ नागरिक मन्त्रालयले सामाजिक क्षेत्रमा नयाँ युगको सुरुआत गर्ने प्रतिबद्धता व्यक्त गर्नु भएको छ। राष्ट्रियसभाको आजको बैठकमा ‘विनियोजन विधेयक २०७७’ माथिको छलफलमा उठेका प्रश्नको जवाफ दिँदै मन्त्री पर्बत गुरुङले सबै प्रकारका विभेदको अन्त्य गर्दै एकीकृत सामाजिक रुपान्तरण गर्न प्रभावकारी ढङ्गबाट काम गर्ने बताउनु भयको छ ।
ज्येष्ठ नागरिकको ज्ञान, सीप र अनुभवलाई नयाँ पुस्तामा हस्तान्तरण गर्ने उद्देश्यले ज्येष्ठ नागरिक आश्रम स्थापना गर्ने योजना अघि सारिएको समेत प्रस्ट पर्नु भयो । उहाले भानु भयो , “जातीय भेदभाव तथा छुवाछूत, बोक्सी प्रथा, छाउपडी प्रथालगायत सबै प्रकारका विभेद अन्त्य गर्ने उद्देश्यले सरकाले सामाजिक रुपान्तरणको नीतिलाई अगाडि सारेको छ, लैङ्गिकमैत्री नेपाल घोषणा गर्दै समाजलाई आत्मनिर्भर बनाउने अभियान चालेका छौँ ।” सबै प्रकारका विभेद अन्त्य गर्दै सभ्य समाजको निर्माण गर्न विद्यालयस्तरबाटै पाठ्यक्रम परिमार्जन गर्ने तयारीमा रहेको उनको भनाइ थियो ।
सांसद तारादेवी भट्ट र अनिता देवकोटाले क्वारेन्टिनमा महिला बलात्कार भएकोबारे राखेका प्रश्नमा मन्त्री गुरुङले भएका ऐन/कानूनको कार्यान्वयन सँगै चेतना मार्फत समाज रुपान्तराण गर्न नीतिनिर्माण गर्ने तयारी भइरहेको बताए । सडक बालबालिका मुक्त राष्ट्र बनाउने अभियानअन्तर्गत सरकारले तीव्र रुपमा काम गरिरहेको उनको भनाइ थियो ।
नागरिक खबर : साभार
