चुनमणी शर्मा
काठमाण्डौ – आज एकैदिन नेपालमा एक सय ७० जना covid-19 कोरोनाका नयाँ बिरामी थपिएका छन् ।
विभिन्न प्रयोगशालामा गरिएको परीक्षणमा एक सय ६५ जना पुरुष र पाँच जना महिलामा कोरोना पुष्टि भएको स्वास्थ्य तथा जनसङ्ख्या मन्त्रालयले जनाएको छ । आज सङ्क्रमण पुष्टि भएकामध्ये सबैभन्दा धेरै राैतहटका रहेका छन् । राैतहटका ५६ जनामा काेराेना पुष्टि भएकाे हाे ।
त्यस्तै कपिलवस्तुका जिल्लामा ५१, झापा २८, बाँके १०, पर्साका पाँच, सर्हालीका पाँच, सप्तरीका चार, बाराका चार, दाङका दुई, रुपन्देहीका एक र म्याग्दीका एक जनामा काेराेना सङ्क्रमण पुष्टि भएकाे हाे ।
आज एक सय ७० जना थपिएसँगै नेपालमाcovid-19 कोरोना सङ्क्रमितकाे सङ्ख्या एक हजार दुई सय १२ पुगेकाे छ । सङ्क्रमितमध्ये दुई सय ६ जना निकाे भएका छन् भने ज्यान गुमाउनेकाे सङ्ख्या ६ पुगेकाे मन्त्रालयले जनाएकाे छ ।
