२ वैशाख, बुद्ध एयरले मंगलबार बंगलादेशका लागि चार्टर्ड उडान गरेको छ । तीन बजे बंगलादेशको ढाकाका लागि उडेको बुद्ध एयर आजै काठमाडौं र्फकने कम्पनीले जनाएको छ ।
नेपालमा रहेका १३ जना बंगलादेशी नागरिक बोकेर जहाज ढाका उडेको हो ।
बंगलादेशी नागरिकलाई स्वदेश फर्काउन दूतावासको पहलमा बुद्ध एयरको जहाज चार्टर्ड गरिएको हो ।
मंगलबार नै नेपाल एयरलाइन्सको जहाज नयाँ दिल्ली उडेको छ । विदेशी दूतावासहरुले यात्रु आफैले भाडा तिर्ने शर्तसहित धमाधम आफ्ना नागरिक फिर्ता लगिरहेका छन् ।
