२९८१ फागुन ७, काठमाडौं ।
मिस नेवा २०८१ मा वरिष्ठ कलाकार मदनदास श्रेष्ठ नगद पचास हजार राशिसहित लाइभ टाइम अचिभमेन्ट अवार्डबाट सम्मानित हुनुभयो ।
नेप्लिज फेसन होमले प्रज्ञाभवन, काठमाडौंमा आयोजना गरेको फिनालेमा १९ प्रतिस्पर्धीलाई पछि पार्दै मिस नेवाः नेपाल ११४५ को उपाधि ललितपुरकी प्रलिशा शाक्यले जित्नु भयो ।
गत आइतबार नेवार भाषा, कला, संस्कृति र भेषभूषा प्रस्तुत गर्दै फिनाले आयोजना सम्पन्न भएको थियो ।
फिनालेका प्रमुख अतिथि माननीय पशुपति शमशेर राणा रहनु भएको सो कार्यक्रमको संयोजन हेमा मानन्धरले गर्नु भएको थियो ।
कार्यक्रममा गीतकार एवं समाजसेवी शोभित उप्रेती, ललितपुर महानगरपालिका १६ वडाका वडाअध्यक्ष निर्मलरत्नज शाक्य, अतिथिमा वल्ड नेवाः अर्गनाजेशन नेपाः च्याप्टरका अध्यक्ष सुरेन्द्रभक्त श्रेष्ठ, नेपाल टेलिकमका मेनेजर गंगासागर मतान्छे लगायत हुनुहुन्थ्यो ।
मिस नेवाः नेपाल ११४५ (२०८१)को विजयी प्रलिशा शाक्यले एक लाख रुपैयाँ नगदसहित विभिन्न उपहार प्राप्त गरिन । साथै प्रलिशाले शीर्ष पुरस्कारसँगै मिस बेष्ट नेपाल भाषाको सहविधा पनि हात पारिन् ।
सोही कार्यक्रममा चन्द्रागिरी नगरपालिकाकी लूनिभा मानन्धर फस्ट रनरअप र काठडमाडौंकी लुमना महर्जन सेकेण्ड रनरअप घोषित भए ।
श्रद्धा महर्जन मिस ट्यालेन्टका साथै सोसल वोयरफेर सेकेण्ड रनरअप भइन भने मिस ट्यालेन्ट फष्ट रनरअप अनुश्री शाक्य भइन ।
यसैगरी मिस ट्यालेन्ट सेकेण्ड रनरअप श्रृया मानन्धरले जितिन् । सोसल वोयरफेर एम्वेस्डर चिफ रोनिसा महर्जनले हात पारिन् ।
सोसल वोयरफेर एम्वेस्डर फष्ट रनरअप डिनिसा डंगोल भइन भने मिस डिसिप्लेन प्रशिद्धि शाक्य, पपुलर च्वाइस अल्पा महर्जन, बेष्ट ड्रेस प्राश्ना श्रेष्ठ, मिस कल्चर रितिसा बज्राचार्य, कन्फिड्न्ट संस्कृति श्रेष्ठ, पर्सालिति सुभेक्षा श्रेष्ठ, बेष्ट हेयर रिम्शा श्रेष्ठ, स्कीन रिमुना बज्राचार्य, फोटोजेनिक कुन्ता श्रेष्ठ, स्माइल अनुसा बज्राचार्य, चार्मिङ सुवास्ना श्रेष्ठ र फेन्डसिप रिजु शाक्य विजेता घोषित भए ।
२० जना प्रतिस्पर्धीहरुको प्रतिभालाई निर्णायकका रुपमा रहनुभएका दिब्यालक्ष्मी बज्राचार्य, लक्ष्मण महर्जन, मणिश्रीरत्न बज्राचार्य, अजरमान जोशी, जिवेश्वरलाल श्रेष्ठ, अनिल स्थापित, डा. शिक्षिता श्रेष्ठ र मिस नेवाः ११३४ अलिशा बज्राचार्यले मुल्याङ्कन गर्नुभएको थियो ।
रोजिन शाक्यको कोरियोग्राफी, राजु नापितको नेपाल भाषा प्रशिक्षणमा सम्पन्न कार्यक्रम मिस नेवाः नेपाल कृषा महर्जनको मुख्य संयोजन, मिस नेवाः ११४३ सकिना महर्जनको संयोजन र सोसल वेलयफेर अम्वास्टर तिमिला महर्जनको सहसंयोजकत्वमा सम्पन्न भएको हो ।
