खेलकुद

नेइमारलाई दुई खेलमाथी प्रतिबन्ध

[mashshare]

पिएसजीका ब्राजिलियन फरवार्ड नेइमारमाथि दुई खेलको प्रतिबन्ध लगाइएको छ।
गत आइतबारको खेलमा मार्सेलीविरुद्धको खेलमा झगडामा उत्रिएका नेइमारमाथि दुई खेलको प्रतिबन्ध लगाइएको हो।
दोस्रो हाफको इन्जुरी टाइममा दुवै टिमका खेलाडीबीच झगडा भएको खेलमा नेइमारसहित पाँच खेलाडीलाई रातो कार्ड दिइएको थियो।
सुरुमा चार खेलाडीलाई रातो कार्ड दिँदा नेइमारलाई भारमार्फत रिप्ले हेरेपछि कार्ड दिइएको थियो।

रिप्लेमा नेइमारले मार्सेलीका डिफेन्डर अल्भारो गोन्जालेजलाई टाउको पछाडि हातले हानेको देखिएको थियो।
नेइमारले पछि सामाजिक सञ्जालमार्फत गोन्जालेजले रंगभेद गरेको आरोप लगाएका थिए। रंगभेदको विषयमा लिग वानले छानविन गर्ने जनाएको छ।नेइमारले लगाएको आरोप गोन्जालेजले अस्वीकार गर्दै आएका छन्।

खेलमा रातो कार्ड पाएका चार खेलाडीमाथि पनि प्रतिबन्ध लगाइएको छ।जसमा पिएसजीका डिफेन्डर लेभिन कुर्जावालाई ६ खेलको प्रतिबन्ध लगायएको छ। यस्तै लिएन्द्रो पेरेडेसलाई पनि दुई खेलको प्रतिबन्ध लगाइएको छ।
मार्सेलीका जोर्डन अमाभीलाई तीन खेल र डरियो बेनेडेटोलाई भने एक खेल मात्र प्रतिबन्ध लगाइएको छ।
यता लिगमा लगातार दुई खेलमा पराजित भएको पिएसजीले तेस्रो खेलमा भने जित हात पारेको छ।पिएसजीले बुधबार भएको तेस्रो खेलमा मेट्जलाई १–० गोलले हरायो।

admin

We mainly focus on quality code and elegant design with incredible support. Our WordPress themes and plugins empower you to create an elegant, professional and easy to maintain website in no time at all.

Related Articles

Leave a Reply

Your email address will not be published. Required fields are marked *

Check Also

Close
Back to top button
Close